كيف أجذب زوجي إليَ ؟

السلام عليكم ورحمةالله وبركاته.. جزاكم الله كل خبر على ماتقومون به,,مشكلتي تبد من عدة اشهر قدتكون اكثر ولاكن انا معرفتي فيها من اشهر..المعذره بتكلم بالعامي.. وبقول مشاكلي مع زوجي من ايامنا الاولي واتمنى منكم سعة الصدر وتقبل كلامي والمساعدة

زوجي جاف معي بخيل عاطفيا مااسمع منه اي كلام حب اوحتي كلام عادي دايم ساكت تقريبا من بعد الزواج بسنه صاركذاكتشفت انه كذب علي قال عنده شغل بالامارات عن بيع السيارت وهو راح لسوريا مع اصحابه..

طبعا انااعرف وش يبي بهالبلدراح وانا نفاس ببنتي الاولى ولما واجهته اعتذر وقال مايكررها ورحت معه للبيت تغير علي من وقتها صارقليل بكل شي معي انابالبدايه كنت اقول يمكن شاف احسن مني وعافني ويمكن اني عرفت انه يكذب منحرج مدري عجزت

وانا ادور عذر ومرة سنه وراح مع اخوي على اساس لاابها يخلصون معامله وللاسف انه اخذ اخوي لسوريا وكانت اول طلعه لاخوي وهو الي قص له جواز حتى ابوي مادرى؟انا علمني اخوي الثاني هم كلهم اصغار وسكتت وكان واعدني يوديني نتمشى بسوريا والاردن

ولما جامن السفر اخذني وبنتي وطلعنا لسوريا وهو تو جاي منها بس انا ماقلت له اني اعرف بس كنت ساكته دايم ولا اكلمه الاقليل لاني مجروحه وبس روحتي عشان اشوف وين يروح.

ولما رجعنا حاصرني باسالته اني متغيره وقلت اني ادري بس انا رجعت عشان بنتي ومابيننا الاهالبنت طبعا كالعاده رضاني ووعدني انه خلاص وانا مشكلتي بسرعه ارضى وبسرعه اصدق..وبعدسنتين رحنا لديره ع اساس ابي اجلس العطله شهر عند اهلي

وفجاة فتحت درج السياره ولقيت الجواز بصراحه ماعرفت كيف اتصرف دريت انه بيحطني ويطلع اخذت الجواز وخبيته وبعد اسبوع فقد الجواز وعصب علي وكان يقول لاخوي انه عشانك بس مابي اطلقها اختك تفتش بالغراض

وانا والله ماكنت افتش وراه بس الله راد اني اعرف جلست شهرين وكانت فترة وحامي ببنتي الثانيه وجاء ورضاني ووعدني بعد انه خلاص انتهى هالشي من راسه ومايطلع الا انا معه وجاب هديه لي ورجعت..

انا بصراحه رجعت عشان بناتي ولاابي المشاكل هو يصير ولدخالتي والناس استغربو اني طولت عنداهلي طبعا محد درا بالمشكله الا انا وهو واخوي..انتهت مشاكل السفر والحمدلله 4سنوات ماسافر ..

انا لي 7سنوات متزوجه واخو زوجي ساكن عندي.. وزوجي دايم برا اما عنده شغل او معزوم ماابالغ لو اقول بس ساعه باليوم اشوفه ووقته بين طلعه ودوام ونوم وسهر مع اصحابه دايم مشاكلنا بهالاسباب انا اقول له اطلع واسهربس بحدود المعقول مو للفجر

واحيانا لساعه11صباحا ويجي ينام ولا كان فيه احد ينتظره اذ زعلت عليه يتغير ايام ويرجع زي اول قبل 8اشهر طلع اخوة عنا وعشت معه ايام حسيت بالاسرة اني متزوجه ونجتمع ع سفره انا وزوجي وبناتي عندي3بنات ويجلس معنا ونتقهو مع بعض لانو اول كنت اكل لحالي واجلس لحالي

انا فقدة اشياء كثيره لدرجه ان اذ ابتسم لي خلاص احس بفرحه واذ قل لي كلمه حلوه احس بسعاده هو حارمني وبالشهر مره واحيان تمر شهور ماقالي كلام حلو كنت اقول ليش لنت كذ يقول الي بالقلب بالقلب وانا اذتكلمت احس اني منافق وغلاك بقلبي

والحب هذا كلام مسلسلات انا اصدق اسمع عن الناس وشلون عايشين استغرب ليش انا محرومه ومعقةله في زوج يصبر عن مرته شهر كان يقول انا موطبعي شكلي محسود الي يتمنون اني اتزوج بناتهم هم حاسديني واحيان مريض واحيان تعبان كنت انا اتقرب منه واحاول اغريه

احيانا يردني واحيانا ينجذب لي بس انا مليت احس اني انا الرجل انا الي اقوله كلام حب والي اتقرب منه وهو عادي عنده قبل شهرين كنت انظف مجلس الرجال ولقيت جوال غريب كنت اطالع له اقول بخاطري ابي اخذة اكشخ فيه عند اهلي لان جوالي مكسور هو جهاز سحب فتحته

انا مادريت ان رديت ع اتصال وكانت بنت الي متصله انا تخربطت ورجعت الجوال عجزت لا اصبر رجعت واخذت الجهاز واخذت رقم البنت ورقم الجوال قلت مكن احتاجهم وسكتت ماقلت له شي طبعا هويسهر الفجر مع اصحابه حسيت انه يكذب علي وارسلت اختي تدق ع الرقم

وطلع زوجي هو الي رد عليها وجلس يعاكسها وهي سكرت الخط انا كنت اسمع لان المكالمه جماعيه انصدمت وعرفت هو وش يسهر عليه ماقدرت اصبر وارسلت له انك طحت من عيني ولما جا بعد صلاة الفجر يسالني بكل برود وش الرساله

انا ماقدرت اتمالك نفسي وقلت كل شي وطلبته يطلقني واني خلاص مابيه عرفت الكلام الحلو لمين والسهر مع مين وانا اجلس انتظر الكلمه اشهور منه ولا اسمع..كرهته من كل قلبي وكنا بنروح لرياض عشان بنتي عندها عمليه وقلت اذ خلصت عمليتها خلاص ننتهي..

وطبعا كالعادة حاول يرضيني وانه خلاص بالبدايه زعل وقلب الموضوع علي واني انا فتنته ع قولته ارسل عليه بنات يبلنه وهوماسال كيف عرفت الرقم وشلون دريت حاول ينكر بس انا واجهته بكلامه الي قال لاختي انصدم اني سمعت وعرف انه مافي امل يكذب علي لاني كشفت كذبه..

بعدساعات من المحاوله وجلس يترجاني اسامحه اول مره نتكلم مع بعض لمدة3او4ساعات انا ضعفت وقررت اسامح عشان بنتي الي بتسوي عمليه وعشاني لاني اول مره احس انه خلاص تاب قلت له اسامحك بشرط تحلف ع المصحف انك ماتكلم بنات وخلاص الي بتقوله قله لي والي تبي مني انا حاضره وعدني وحلف وحلفتي اني مادور وراخطاءه ابد واني اوثق فيه..

والله اني كنت واثقه فيه ماتوقعت انه يعاكس من كلامه عن الشباب المراهقين وانهم مايخافون الله كلامه خلاني اوثق فيه وللاسف كان هو واحد من هالشباب انا مدري من متى وهو يكلم بس انتهى الموضوع بدات معاملته لي تتغير للاحسن وعشت ايام حلوه ماعشتهابدابة زواجنا..

قبل اسبوعين رتبت المجلس ولقيت الجهاز حق المعاكسات انا انصدمت وواجهت فيه وقال جهازي خربان وابي استخدم هذ وقلب الموضوع علي اني ماوثق فيه وانه خلاص ترك هالسوالف انا كنت قايله له يكسر الجهاز وهوماكسره بالعكس جاب عند ..

زعل علي 3ايام وقال المفروض توثقين فيني و من هالكلام انا رضيته وطلبت السماح وسامحني المشكله الحين انه يستخدم الابتوب حقي وكل المواقع الي يدخله دردشةصوتيه وانا عرفت وساكته ماتكلمت احس زي النار بقلبي يعني رجع لسوالفه ين خوفه من الله وين وعوده لي وطبعا رجع لسهر

وصرت انام عند بناتي ولافكريسالني ليش بالعكس اخذ راحته والبارح دخل الغرفه ومعه الجهاز المشبوه قال بنام وهو مووقت نومه ولما دخلت فجاه عليه كان الجهاز معه ومتغطي بالغطا حسيت انه يكلم بس ماقدرت اواجه او اتكلم معه…

ارجو منكم المساعده انا محتاره مدري وش اسوي وكيف اتصرف معه انا لي اسبوع ماكلمه ولا فكريراضيني او يسال عن السبب.. احس ارتاح اني مبعده عنه بس انا مو مرتاحه وانا اشوفه ياخذ الاب مني وانا ادري وش يسوي ..

الله يجزاكم خير انصحوني وش اسوي وكيف اتصرف معه وهل اقوله اني ادري انه رجع لسوالفه هذا اذا كان تاركها اصلن يمكن يكذب علي من اول ولا تركها ابد…الله يجزاك خير دلني انا امراة جميله متعلمه وبنت ناس يعني مانقصني شي

والحمدلله اهتم به وببيتي وبناتي وبا اخوه ال ساكن عندي ولا اقصر بشي ابد واهتم بشكلي دايم وكل الاساليب الي تجذب الرجل اسويها بس هو مايشوووووف ابد انا وشو ووش اسوي ملتهي عني ..

ابي منكم المساعده ابي اصير قويه مابي يهمني ابيه يتعب وهو يدورني ومايلقاني مابي ارضى بسرعه وتصير زي دايم يومين كويس وبعدين يرجع …اعتذر عن الاطاله ولاكن الي بقلبي لكثر اتمنى القى احدينصحني ويعلني كيف اتعامل معه

اسم المستشير     :  ام الصبر

__________________________

رد المستشار     :  أ. عبد العزيز سعد الدواس.

بسم الله والحمد لله والصلاة والسلام على نبينا محمد وعلى آله وصحبه وسلم .

أعانك الله وأرشدك إلى طريق الصواب .

أختي أم الصبر : جعل الله سبحانه وتعالى هذه الدنيا دار ابتلاء واختبار لنا لينظر الله من يحمد ويصبر ومن يسخط ويجزع قال الله تعالى ” لقد خلقنا الإنسان في كبد” وبما أنك ذكرت أنك أم الصبر فأقول لك قال الله تعالى: { يا أيها الذين آمنوا استعينوا بالصبر والصلاة إن الله مع الصابرين } (البقرة:153)

فأنت ولله الحمد امرأة صبورة صبرت على زوجك من أبنتك الأولى فهو شي جيد وبهذا الصبر وقوة الإرادة تستطيعي تغير زوجك بإذن الله تعالى .

إن خشية الله سبحانه وتعالى والخوف منه ثم التربية الصالحة في الصغر والرفقة الصالحة في الكبر هي من أهم أسباب ابتعاد الإنسان عن المعاصي.

لذلك أنصحك بعدة أشياء ومنها:

1ـ اللجوء إلى الله سبحانه وتعالى بكثرة الدعاء بأن يسخر لكي زوجك ويهديه (والله تعالى يقول: وقال ربكم ادعوني أستجب لكم) و عن أبي هريرة رضي الله عنه أنَّ رسول الله صلى الله عليه وسلم قال: ينزل ربنا تبارك وتعالى كل ليلة إلى السماء الدنيا، حين يبقى ثلث الأخير من الليل فيقول : من يدعوني فأستجيب له، من يسألني فأعطيه، من يستغفرني فأغفر له رواه البخاري ومسلم.\فمن اليوم أحرصي على قيام الليل والدعاء له بالهداية مع كل سجده في صلاتك .

2ـ دوامي على إذاعة القرآن واجعليها تعمل بشكل مستمر في البيت وكذلك الأشرطة الدينية عن الصلاة وعن الجنة ونعيمها والنار و عذابها و الخ .

3ـ عليك بتذكيري زوجك بالصلاة فإذا انتظم زوجك على الصلاة وحافظ عليها فهي من أكبر العون له على مراقبة الله والخوف منه, وتعينه على ترك ما هو فيه: ((إن الصلاة تنهى عن الفحشاء والمنكر)) ويكون له تواصله مع جماعة المسجد والصحبة الخيرة .

4ـ أختي أم الصبر: لابد لك من تقوية الجانب الإيماني لدى زوجك وتنمية الخوف من الله لدية بأن تيقظي الضمير الغافل لديه وتذكيره بان لديه ثلاث بنات ومحارم وأن الجزاء من جنس العمل فهل يرضى لبناته غداً أو لمحارمه أن تكون لهم علاقات محرمة ؟

5ـ كلما بعد الزوج عن زوجته فمعنى ذلك أن هناك خلل فلابد لك من البحث عن هذا الخلل وعلاجه .

6ـ أنصحك بعدم البحث وراء زوجك فأغلب المشاكل تكون من البحث والتتبع والجري وراء الزوج فماذا جنيتي من وراء البحث؟ هل وجدت الراحة أما الشقاء؟!

7ـ حاولي تعويضه عن ما ينقصه وإشباع رغبته بشكل مستمر من الصوت الناعم والتنعم له بصفه دائمة .

8ـ أمنحيه الثقة دائماً فالرجل بحاجة ماسة لست احتياجات أساسية ومنها الثقة فإذا شعر الرجل من زوجته بعدم الثقة أو الشك أو الخيانة فمن الممكن أن يعمق ذلك الشعور لديه والكثير من الرجال قد يتمادى بهذا الشيء فلذلك أقول لك (((أن ثلثي العقل التغافل))) .

9ـ أعجبي به وامدحيه باستمرار فذلك من أهم ما يحتاج إليه الرجل وهو الذي يجذبه للمرأة. 10ـ أحبيه واقبليه بكل عيوبه وعلته حتى تستطيع تغيره فالزوج عندما يحس بعدم القبول من زوجته أو أنها تكره صفة معينه به فأنه يصر عليها ويحاول تعمد عملها باستمرار وبشكل جهري ليس لشيء إلا لأنه يشعر بأنك تريدين تغيره الرجل بطبعه لا يحب أن تنصحه المرأة وخاصة الزوجة و بشكل مباشر.

11ـ قدري زوجك وشجعيها وأقري نواياه هذه الاحتياجات ضرورية ومهمة جداً للرجل والزوج خاصة وبها تستطيعي ملك قلب زوجك ( تجدين هذه الاحتياجات وكيف تفهمين زوجك في كتاب المرأة المثالية للأستاذة نوره عمر العمر(صفحة 83)

12ـ وبما أنك ذكرت ( ولا اقصر بشي ابد واهتم بشكلي دايم وكل الأساليب إلى تجذب الرجل أسويها بس هو مايشووووووووووووف ابد أنا وشو ووش أسوي ملتهى عني( فأقول لك استمري على ذلك وسوف يتغير بمشيئة الله .

13ـ عليك بالإكثار من حضور الدورات التدريبية أذا استطعتِ ومشاهدة البرامج التلفزيونية وسماع الأشرطة المهتمة في شئون الحياة الزوجية وتطبيق ما قرأتِ و ما تعلمتِ وشاهدتي وسمعت .

14ـ وفي الختام أنصحك بأهم شي وهو الإلحاح على الله بالدعاء أن يهدي الله زوجك ويسخره لك وعليك بكثرة الاستغفار.

أتمنى لك حياة زوجية سعيدة وأسأل الله لك الثبات .