اكتب لك موضوعي وكلي امل اني الاقي ضالتي فيك انا متزوجه منذ 9سنوات وام ل4اطفال ربة منزل حياتي فقط زوجي واطفالي مشكلتي لم اعرف عنها الا قبل 5ايام ولا اعرف كيف افعل منذ حوالي الشهرين وزوجي يكلم وحده بالتلفون والمصيبه العضمى انها طلعت من الجماعه وانا يا غافل لك الله وقبل شهر تقريبا وجدت في ثوبه المتسخ اثر مكياج ومن كثر الثقه او الهباله لما واجهته بالموضوع فجا يقولي الله يسامحش شايفتني هذي الايام كيف احافظ على صلاتي وتقولين اني اكلم بنات 

المشكله اني ما جاء في بالي هذا الشي وحسبته متزوج مسيار فنط فيني وقالي انا فاضي لهذي الخرابيط ومن جد هو مو فاضي حتى يكلمنا ولما يجلس ويرجع اخر الليل يكون تعبان وما يتكلم حتى معي وبعدين فتوقعت اناها احد من اخواته كان عندها مشكله وما حب يقولي عليها مشكلتي اني بزياده صادقه واثق فيه وفي هذيك الفتره صار دائم الجلوس في البيت والكلام حياتنا معه كزوج وكاب كانت من اروع ما تكون وفي والي قاهرني زياده انه في رمضان وفي اخر رمضان الرجال مكشر ومعصب طبعن كان كمان في العيد وبعد العيد سافر في عمل وانا كنت حاسه ان في زوجي فيه شي 

فجلست هذيك الايام على الانترنت اشوف حركات رمنسيه واطلب قمصان نوم كنوع من التغير وبعد ما جاء راح اليوم الثاني الى العمل وكان توه مشتري جوال جديد فخلا جواله القديم في البيت جيت فتحت الجوال وفتحت رسيله ولقيت رسايل من وحده طبعا كان كاتبها باسم المحاسب الي يشتغل عنده وحده فيهااشتقت لك عارفه انت منت فاضي بس دق علي دقه والثانيه تعرف ايش احسن شي في سفرك اني عرفت غلاتك عندي والثالثه روحي تموت في 0000 

طبعا هذا الي ازكره من الرسايل ولما واجهته بالموضوع قالي انها وحده هي الي اتصلت فيه اول بحكم انها كان عندهاعمل معه وبعدين اتصلت فيه من جوالي ثاني وكان يكلمها على اساس انها وحده ثانيه تشتغل معها وطبعا كان يبغى يشوفها ولما راح مكتبها وشافها عرف انها الوحده الي من العيله على حسب كلامه انهم اتفقوا ان هذا غلط ولازم يقطعونالعلاقه وهو نازل حضنته 

طبعا اتوقع انه هو كمان وعلى كلامه الي لين الحين انا ماني مصدقته ولا اشوف انه يفرق في الموضوعانها صارت علاقتهم بس بالرسائل علشان رمضان ويكلمها بين الحين والحين ولما كان مسافر لمكه قرر قطع العلاقه ويمكن هذا سبب عصبيته وعلى كلامه الي لين الحين معطيني 3 اقوال واحد منها وهو الاول انه هو خلاص بطل يراسلها وهي لسه ومره ثانيه انه وهو مسافر بس كلمها عشان يقطع العلاقه والثالثه انها كانت ترسل وماكان يرد عليها 

لوكان من صدق كيف عرفت انه مسافر طبعا زعلت وطلبت منه اني اروح بس يوم واحد وانه مافيه احد يعرف بالموضوع وسويت نفسي مضحيه ورجعت ثاني يوم للبيت بس ماقدرت اشوفه وطلبت منه يطلقني بس جلس يبكي ويقولي انه ما يقدر يعيش بدوني وحلف على القران انها بس كانت نزوه وانه ما يحبها فطلبت منه اني اروح بس كم يوم عند اهلي عشان ارتاح بعد يوم جاء عندنا البيت وجالس يبكي زي الاطفال يبغاني ارجع البيت ويجي في بالي انه عشان ماحد يعرف بالموضوع ووفقت لاني حسيت انهم وحقارتهم ما يستهلون اني اضيع الجنه 

فرجعت البيت وجلست معه في نفس الغرفه وانا ماني طايقه اشوفه ولعلمك يادكتور زوجي لسانه حلو ويعرف كيف يكسر خاطري ويحسب ان كل شي يتصلح بالفلوس جالس يقولي اتشرطي الي تبغينه بسويه وعطاني رضوتي على قلته هدية رجعتي للبيت والمصيبه انه وحده من اخواته صار لها نفس الشي قبلي هو الي راح جابها من بيتها وكان معصب وبهذل زوجها لين ما اخذها قريب الشهر فمالي غير الله ثم انت يادكتور مادري كيف اسامحه علي سواه وكيف اخلي هذا الموضوع لمصلحتي وابغى اعلمه درس انه بنات الناس زي اخواته عندهم احسيس وكيف انتقم من هذيك اللعابه 

ومشكوره على القرائه والتجاوب 

اسم المستشير      لمى 

_____________________ 

رد المستشار       أ. عبد الكريم دخيل الشعيل 

أختي الفاضلة لمى : السلام عليكم ورحمة الله وبركاته ، وبعد : 

أشكر لك استشارتك لنا في هذا الموقع وسرني كثيرا التفصيل الذي ذكرت عن مشكلتك ، وكنت أود أن تذكري سن زوجك وعمله ، على أي حال قد يكون زوجك في منتصف الثلاثينات وهذه سن شباب متقد وصاحب علاقات نشطة ، فإن كانت خيرا فهو خير وإلا فغير ذلك . 

وقد أحسنت كثيرا أختي الفاضلة حينما توجهت إلى إرضاء زوجك بالتجمل والملابس ، وأرجو ألا يتوقف ذلك بل فليكن دائما سمة من سمات تعاملك معه ، كما أن تزينك يجب ألا يكون في اللقاءات الحميمية ، بل كوني جميلة في عينه دائما حتى الصباح أو العصر أو في المطبخ . 

واضح أيضا أن زوجك مخطوف ، نعم مخطوف بالفتنة ، إنها فتنة النساء التي حذر منها النبي صلى الله عليه وسلم ، وهذا يتطلب ماذا ؟ إنه يتطلب تكثيف الأجواء الإيمانية من خلال الأشرطة الطيبة ، والأحاديث الجميلة لدعاة مثل عمرو خالد لقربهم من واقع الناس ، وفي البقية البركة طبعا . 

إن هذا يتطلب أيضا الكف عن النظر إلى تلك الفضائيات التي تحرك الغرائز وتدفع الشباب إلى تجارب لإشباع شهواتهم وتشوف نفوسهم التي أغراها الشيطان بسهام النظر ، إن الأجواء الإيمانية مطلوبة لكما أنتما ، إنك تحتاجين أيضا إلى قربك من ربك ليحفظ لك أسرتك وبيتك من غوائل إبليس فعليك أختي بالدعاء . 

كما أن الأمر يتطلب المواجهة التي يكون فيها نقاش وليس تهديد وبكاء وصراخ . يعني كأنك أخته التي تنهاه عن تلك العلاقات فتأخذينه بالسؤال والاستفهام ، وتسألين عن مواضع تقصيرك ، وهل يريدك أم لا ؟ وكيف يمكن علاج تلك المشكلة التي ستهدم بيته وتضيع أولاده ، كما أن استقامتك وتذكيره بمراقبة الله أمر عظيم في تلك المناقشة .

وأخيرا ..

تحتاج إلى الصبر والدعاء والحب نعم الحب لكي تحتفظي بزوجك وتحميه من تلك الفتنة ، وتكسبي تلك المعركة مع الشيطان وأعوانه من بنات جنسنا .

والله أسال لزوجك الصلاح والهداية ولك السعادة والطمأنينة .

والله الموفق .